Venesuelaya gizli yolla sızmağa çalışarkən tutulan və dövlət başçısı Nikolas Maduroya sui-qəsd hazırlamaqda ittiham olunan 2 ameriakalı agentdən biri planlarını açıqlayıb.
Gununsesi.org Qaynarinfo-ya istinadən xəbər verir ki, bu barədə Venesuela prezidenti Tvitter hesabında məlumat verib. O, Floridada Silvercorp təhlükəsizlik şirkətində çalışan Lyuk Denmanın ifadəsinin videosunu yayımlayıb.
Saxlanılan şəxs məqsədlərinin Karakas hava limanını ələ keçirərək, təyyarənin enişini təmin etmək və daha sonra Venesuela prezidentini ABŞ-a qaçırmaq olduğunu etiraf edib.
