53 yaşlı türkiyəli müğənni Demet Sağıroğlu da koronavirusa yoluxub.
Gununsesi.org-un xəbərinə görə, uzun illərdir ki, Nyu-Yorkda yaşayan müğənni bu barədə öz “İnstagram” səhifəsində məlumat paylaşıb.
Müğənni paylaşımında qeyd edib: “10 gündür xəstəyəm. Ətrafımda olan çoxlu sayda insanın koronavirus testi pozitiv çıxıb. Mən də virusun bütün simptomlarını, qızdırmadan başqa bütün əlamətlərini keçirdim. Testdən keçməmişəm və ehtimal edirəm ki, 4-5 gün ağrı keçirdikdən sonra sağalacam. Bir qədər halsızam. Yaxınlarımı qorxutmamaq üçün bu barədə onlara heç nə deməmişəm. Göstərdiyi diqqət və sevgiyə görə hər kəsə təşəkkür edirəm”.
Müğənni hazırda Nyu-Yorkda vəziyyətin çox ağır olduğunu və özünün də bu virusa yoluxduğunu ehtimal etdiyini deyib.
Gununsesi.org