Səhiyyə Nazirliyinin vəzifələri artırıldı

  • By admin
  • 03 İyun 2020 15:49

“Azərbaycan Respublikasının Səhiyyə Nazirliyi haqqında Əsasnamə”sinə dəyişiklik edilib.

Gununsesi.org xəbər verir ki, bununla bağlı dövlət başçısı İlham Əliyev iyunun 2-də fərman imzalayıb.

Fərmana əsasən, Səhiyyə Nazirliyinin vəzifələri artırılıb.

Belə ki, sənədə edilən əlavəyə görə, Səhiyyə Nazirliyi Tibbi Ərazi Bölmələrini İdarəetmə Birliyinin (TƏBİB) tabeliyindəki tibb müəssisələri istisna olmaqla, digər tibb müəssisələrinin akkreditasiyasını həyata keçirəcək.

Eyni zamanda, dövlət başçısı İlham Əliyevin iyunun 2-də imzaladığı fərmanla “İcbari Tibbi Sığorta üzrə Dövlət Agentliyinin Nizamnaməsi”ndə də dəyişikliklər edilib. Sənədə edilən əlavəyə əsasən, Agentlik TƏBİB-in tabeliyindəki tibb müəssisələrinin akkreditasiyasını həyata keçirəcək.

Gununsesi.org