İranda 11 millət vəkilinin koronavirus testi müsbət nəticə verib.
Gununsesi.org xəbər verir ki, bu barədə ILNA ölkə parlamentinin Rəyasət Heyətinin üzvü Məhəmməd Reza Tabeşə istinadla xəbər yayıb.
O, bütün millət vəkillərinin və parlament əməkdaşlarının COVID-19 testindən keçirildiyini vurğulayıb.
Bildirildiyinə görə, nəticələr hələlik tam açıqlanmayıb. Ancaq daha 50 millət vəkilinin testinin müsbət çıxacağı ehtimal olunur.
Qeyd edək ki, bundan əvvəl parlamentin 23 deputatında koronavirus aşkarlanmışdı.
Ümumilikdə, İranda koronavirusa 62 589 yoluxma faktı qeydə alınıb. Xəstələrdən 3 872 nəfəri həyatını itirib, 27 039 nəfəri isə sağalıb.
