Bakı Ali Neft Məktəbinin (BANM) idarəçiliyinə verilmiş Qafqaz Universitetinə yeni rektor təyin olunub.
Gununsesi.info APA-ya istinadən xəbər verir ki, bu vəzifəyə Azərbaycan Texniki Universitetinin rektoru, professor Havar Məmmədov təyin edilib.
H. Məmmədov faktı təsdiqləyərək bildirib ki, o bu gün Qafqaz Universitetinin kollektivinə təqdim edilib.
Xatırladaq ki, Qafqaz Universiteti Azərbaycanda rüşvət və korrupsiyaya qurşanmayan, bu məsələlərdə adı hallanmayan tək-tük ali məktəblərdəndir.
Yeni rektor H.Məmmədov isə Azərbaycanda ən çox rüşvət və korrupsiyada adı hallanan Azərbaycan Texniki Universitetə rəhbərlik edib. Onu da qeyd edək ki, H.Məmmədov 2000-ci ildən son təyinatına kimi adıçəkilən universitetdə rektor vəzifəsini daşıyıb.
Qeyd edək ki, Qafqaz Universitetinin təsisçisi Təhsil Nazirliyinə müraciət edərək universitetin iyulun 20-də bağlanması haqqında qərar qəbul olunduğunu bildirib.
Bundan sonra universitetin idarəçiliyi BANM-ə verilib.
Gununsesi.info
