Azərbaycanda fevralın 9-a təyin edilmiş növbədənkənar parlament seçkilərində indiyə qədər 842 beynəlxalq müşahidəçi akkreditasiyadan keçib.
Gununsesi.org-un məlumatına görə, bunu Mərkəzi Seçki Komissiyasının sədri Məzahir Pənahov MSK-nın bu gün keçirilən iclasında deyib.
M.Pənahov əlavə edib ki, yerli müşahidəçilərin sayı 65 766 nəfərə çatıb.
MSK sədri beynəlxalq müşahidəçilərin 55 ölkəni və 56 təşkilatı təmsil etdiyini vurğulayıb:
“Beynəlxalq müşahidəçilər həm say baxımından yetərincədir, həm də coğrafi baxımdan kifayət qədər əhatəlidir”.
