Nigerdə “Boko Haram” radikal qruplaşmasının silahlıları hərbçilərə hücum edib.
Gununsesi.org xəbər verir ki, bu barədə Müdafiə Nazirliyinə istinadən “Agency France Press” məlumat yayıb.
Məlumata görə, hadisə ölkənin cənub-şərqindəki Diffa regionunda qeydə alınıb. Hücum zamanı on iki əsgər həlak olub və daha on hərbçi yaralanıb.
Hərbi posta hücum bazar ertəsindən çərşənbə axşamına keçən gecə olub. Nazirlik bildirib ki, qruplaşmanın yeddi silahlısı məhv edilib.
Nigerdə “Boko Haram” radikal qruplaşması fəaliyyət göstərir. Qruplaşma həmçinin “İŞİD-in Qərbi Afrika əyaləti” kimi məşhurdur.
