Gununsesi.org REN.TV-yə istinadən xəbər verir ki, ekspertlər immunitet sistemini poza biləcək beş amilin adını çəkiblər.
Mütəxəssislər oturaq həyat tərzinin sağlamlığaəın pisləşməsinə səbəb olduğunu qeyd ediblər. Onların fikrincə, oturaq həyat tərzi keçirən insanlar idmanla müntəzəm məşğul olanlara nisbətən tənəffüs xəstəliklərindən daha çox əziyyət çəkirlər.
Ayrıca, mütəxəssislər hər gün kifayət qədər yuxu almağı və həkiminiz tərəfindən təyin edilmədikdə antibiotik qəbul etməməyi məsləhət görürlər. Yuxunun olmaması bədənin istirahət etməməsinə, antibiotiklərin nəzarətsiz qəbul edilməsi bakteriyaların dərmanlara qarşı müqavimətinin artmasına səbəb olur.
İnsan immunetini poza biləcək başqa bir şey, mütəxəssislərin rəyincə həddindən artıq məşqlərlə məşğul olmaqdır. İnsan çox məşqlər edəndə həddindən artıq hormon kortizol yığılır ki, bu da fiziki gücdən sonra bərpa olmadan bədəni tükəndirir və immunitet sisteminin çox zəifləməsinə səbəb olur.
Daimi stres də bu siyahıda var. Xroniki stressin insan immunitetinə təsirinin araşdırması göstərir ki, stres bədənin iltihabla mübarizə qabiliyyətini zəiflədir, yuxarı tənəffüs yolları, ürək-damar və immün xəstəlikləri riskini artırır və yaraların gec yaxşılaşmasına səbəb olur.
Gununsesi.org
