Çində koronavirusdan ölən ilk şəxsin ekspertiza nəticələri açıqlanıb.
Gununsesi.org bildirir ki, “Forensic Medicine” jurnalında bu barədə hesabat dərc olunub.
Nəticələrə əsasən məlum olur ki, virus tənəffüs yollarının və ağciyər alveollarının dərinliyinə qədər nüfuz edib. Xəstəliyin patologiyası atipik pnevmoniyaya bənzəyir.
Mütəxəssislərin fikrincə, virusun digər daxili orqanlara da yoluxduğunu müəyyən etmək hələ çətindir, bunun üçün daha dərin araşdırmalar aparmaq lazımdır.
Məlum olub ki, koronavirusa yoluxma ağ ciyərlərdə fibroz və sıxılma SARS virusunda olduğu qədər ciddidir.
Qeyd edək ki, yanvar ayında çoxsaylı beyin infarktı ilə xəstəxanaya yerləşdirilən 85 yaşlı kişi Çində koronavirusdan ölən ilk şəxs olub.
Tibb müəssisəsinə qəbul olunduqda onda koronavirus əlamətləri olmayıb, lakin müalicənin onuncu günündə həmin şəxsdə boğaz ağrısı və yüksək hərarət başlayıb.
Kompüter tomoqrafiyası xəstənin ağciyərlərində infeksiyanın olduğunu təsdiqləyib. Üç gün sonra həmin adamda “COVID-2019” təsdiq edilib. Onu xilas etmək mümkün olmayıb, xəstəxanaya yerləşdiriləndən 28 gün sonra o, ölüb.
