“SpaceX” və Tesla Motors” şirkətlərinin qurucusu İlon Mask bir yutubçunun 20 milyon ağac əkmək hədəfi ilə başlatdığı aksiyaya 1 milyon dollar bağışlayıb.
Gununsesi.org xəbər verir ki, 20 milyon izləyicisi olan “MrBeast” ləqəbli yutubçu Cimmi Donaldson aksiyanı sosial şəbəkədə elan edib. “Teemtrees” haştaqı ilə başladılan kampaniya çərçivəsində 1 ağacın dəyəri 1 dollardır. İlon Mask da aksiyaya qoşulduğunu Tvitterdən elan edərək adını “Treelon” olaraq dəyişib və 1 milyon dollar bağışladığını bildirib.
İndiyədək ağacəkmə aksiyası üçün 8 milyon dollar toplanıb.
Gununsesi.org
