Fətullahçı Terror Təşkilatının (FETÖ) lideri Fətullah Gülən ABŞ-ın Pensilvaniya ştatındakı malikanəsindən 2,5 kilometr kənarda axar-baxarlı ərazidə malikanə alıb.
Gununsesi.info-nun Türkiyə KİV-nə istinadən verdiyi xəbərə görə, FETÖ liderinin malikanəsi gözdən uzaq ərazidə yerləşir. Malikanə xüsusi təyinatlı mühafizə xidmətinin silahlı əməkdaşları tərəfindən mühafizə olunur.
Belə ki, malikanə 10 hektarlıq ərazinin 3 hektarında tikilib. Mülkün sahibi kimi “Golden Generation Worship & Retreat Center Inc” şirkəti göstərilir. Məlumatlara görə, həmin şirkət ötən il sentyabrın 23-də yeni mülk alıb.
Qeyd edək ki Fətullah Gülən 1999-cu ildən Pensilvaniyanın Saylorsburq şəhərində yaşayır.
Gülnaz Qənbərli
Gununsesi.info
