Açıqlamaya görə, qar uçqunu altında qalan hərbçilər müqavilə əsasında xidmət göstərib.
Ermənistanın Syunik (Zəngəzur) vilayətində 4 hərbçi qar uçqunu altında qalıb.
Gununsesi.org Publika.az-a istinadla xəbər verir ki, əsgərlərdən 3-ü həyatını itirib. Onlar Karapet Nazaryan (1991-ci il), kiçik çavuş Tiqran Arzumanyan (1994-cü il) və kiçik çavuş Nver Şahbazyandır (1995-ci il).
Müdafiə Nazirliyinin məlumatına görə, 1 əsgər yaralı xilas edilib. Əsgər Hamlet Mirzoyanın (1998-ci il) isə vəziyyəti normaldır.
