Gununsesi.org bu haqda Moderator.az-a istinadla xəbər verir. İsrail Səhiyyə Nazirliyi, “Sarel”, “K.S. Kim International” və “El-Al” təyyarələrinin iştirak etdiyi əməliyyat nəticəsində ölkəyə kaletra adlı dərmanın 900 min tableti çatdırılıb.
2.3 ton ağırlığında dərmanın ilk partiyası İsrailə adının açıqlanması qadağan edilmiş bir dövlətdən gətirilib. “Sarel” dövlət şirkətinin sərəncamına verilən dərman xəstəxanalara paylanacaq.
“El-Al” aviakompaniyasının bir agenti adı çəkilməyən ölkədən 900 min tableti çatdırmaq üçün təyyarələrin yüklənmə yerinə 30 km-lik yolu piyada getməli olub.
2 aktiv maddə – lopinavir və ritonavirdən ibarət olan bu dərmanın şiddətli və orta dərəcəli koronaviruslu xəstələrin müalicəsində təsirli olduğu təsdiqlənib. Həmin preparat digər dərmanlarla birlikdə Çində və bir sıra digər ölkələrdə ağır xəstələri müalicə edib.
