Polşa hakimiyyəti yeni növ koronavirus pandemiyası səbəbiylə bağlanmış Şengen daxili sərhədlərini açır.
Gununsesi.org Trend-ə istinadən bildirir ki, bu gündən Almaniya, Litva, Slovakia və Çexiya ilə sərhəddə nəzarət artıq seçim üzrə olacaq.
Polşa hökumətinin verdiyi qərara əsasən, indi respublikaya daxil olduqda ölkə və digər Aİ dövlətlərinin vətəndaşları, habelə Aİ-də daimi yaşamaq icazəsi olan əcnəbilər əvvəllər tətbiq edilən iki həftəlik məcburi karantindən keçməyəcəklər.
Xatırladaq ki, Polşa sərhədlərini martın 15-də bağlayıb və eyni gündə hava əlaqələrini dayandırıb. Bildirilir ki, aviareyslər 16 iyun tarixindən bərpa olunacaq.
