İtaliyanın Liqnano şəhərində ənənəvi “Alpe Adrea” beynəlxalq cüdo turniri keçirilib. 22-ci dəfə baş tutan festivalda Avropanın müxtəlif ölkələrindən 1046 gənc cüdoçu mübarizə aparıb.
Cüdo Federasiyasından Gununsesi.info-ya verilən məlumata görə, Azərbaycan cüdoçuları beynəlxalq yarışda 5 qızıl, 4 gümüş və 4 bürünc medal qazanıblar.
Musayev Hacı (55kq), Hüseynov Kəramət (60 kq), İbrahimov İsmayıl (66 kq), Cəfərov Hasil (73 kq) və Mirzəyev Aslan (90 kq) bütün rəqiblərinə qalib gələrək qızıl medal qazanıb. Natiq Qurbanlı (60 kq), Naim Hüseynov (81 kq), Azər Yaqubov (90 kq), Ayxan Cəfərov (+100 kq) gümüş, Tofiq Məmmədov (60 kq), Murad Heydərli (60 kq), Vüsal Cəmilzadə (73 kq) və Samir Ağayev (81 kq) bürünc medala sahib olub. Beləliklə 13 medal əldə edən gənclərdən ibarət milli komandamız ümumi hesabda 1-ci yeri tutub.
Anar
Gununsesi.info
