Bu gün Milli Məclisin (MM) İqtisadi siyasət, sənaye və sahibkarlıq komitəsinin iclası keçirilib.
Gununsesi.info-nun əməkdaşının verdiyi məlumata görə, iclasda “Kredit büroları haqqında” qanun layihəsi müzakirəyə (ikinci oxunuşda) çıxarılıb. İclasda çıxış edən millət vəkili, “AzərbaycanDəmir Yolları” QSC-nin sədri Cavid Qurbanov insanların banklardan asılılığının azaldılması istiqamətində iş görülməli olduğunu deyib: “Vergi bazası genişləndirilməli, dolğunlaşdırılmalı, yumşaldılmalıdır. Hər kəs öz qazancına nisbətən vergi ödəməlidir”.
“Devalvasiyadan qorxmaq lazım deyil. İnsanların əmək haqqını, maddi rifahını yüksəltmək lazımdır. İdxaldan asılılığın azaldılması, ixracın artırılması siyasəti də məhz buna istiqamətlənib” – deyə, C.Qurbanov sözlərinə əlavə edib.
Anar
Gununsesi.info