Qax Mərkəzi Rayon Xəstəxanasında burun əməliyyatında ölən qız şoka düşüb.
Gununsesi.org bildirir ki, bu barədə Oxu.Az-a Qax Mərkəzi Rayon Xəstəxanasının direktoru Tərlan Əhmədzadə məlumat verib.
Onun sözlərinə görə, pasiyent əməliyyata hazırlıq zamanı şoka düşüb:
“Əməliyyatdan öncə xəstəyə 0,5%-li lidokain inyeksiya edilib”.
Həkimin sözlərinə görə, xəstə bir anda anafilaktik şoka düşüb:
“Xəstəni şok vəziyyətdən çıxarmaq üçün həkimlər tərəfindən zəruri tədbirlər görülüb. Bir neçə saat süni tənəffüs aparatına qoşulub. Lakin təəssüf ki, xəstənin həyatını xilas etmək mümkün olmayıb”.