Bakıda daha bir yaşıllıq bölgəsi kütləvi şəkildə kəsilərək məhv edilir.
Gununsesi.org-a verilən məlumata görə, hava limani istiqamətində, Ramanı qəsəbəsi ərazisində ,Buta Palace yaxınlığında ağacların yenidən kütləvi soyqırımı davam etdirilir. Redaksiyamıza daxil olan məlumata görə, yaşıllıqların kütləvi məhv edilməsinin arxasında Yaşıllaşdırma Təsərüfatı Birliyinin(YTB) Bitkilərin Mühafizəsi şöbəsinin rəisi Orxan Məmmədov dayanır. Bu faktı həmin ərazi üzrə sahə rəisi çalışmış Xanəhməd Əsgərov da təsdiqləyib.
Orxan Məmmədovun adı YTB işçilərinə qarşı zorakılıq və döymə faktı ilə də hallanır. Xəbərə görə, ötən aylarda Məmmədov Əhliman adlı işçini döyərək, həmin şəxsə ağır xəsarətlər yetirib. Hazırda döyülmə faktı ilə bağlı Nərimanov Prokurorluğunda araşdırmalar yürüdülür.
Qarşı tərəfin də mövqeyini yayımlamağa hazrıq.
