Azərbaycanda yeni orden təsis olundu

Azərbaycanda yeni orden təsis olundu

meclis

Azərbaycanda Əmək ordeni təsis edildi Azərbaycanın inkişafında müstəsna əməkləri olan şəxslərin mükafatlandırılması ilə bağlı ali mükafat – orden təsis olundu.

Gununsesi.info məlumat verir ki, Milli Məclisin bu gün keçirilən iclasında “Əmək” ordeni təsis edilməsi ilə bağlı “Azərbaycan Respublikasının orden və medallarının təsis edilməsi haqqında” qanuna dəyişiklik müzakirə edilib Qanun layihəsi barədə məlumat verən parlamentin Hüquq siyasəti və dövlət quruculuğu komitəsinin sədri Əli Hüseynli bildirib ki. “Əmək” ordeni Azərbaycan vətəndaşları, əcnəbilər və vətəndaşlığı olmayan şəxslərə istənilən fəaliyyət sahəsində Azərbaycanın inkişafına və rifahının təmin olunmasına yönəlmiş müstəsna əmək nailiyyətlərinə görə veriləcək. Həmin şəxslər sənaye, kənd təsərrüfatı, tikinti, nəqliyyat, ticarət, sənətkarlıq, xidmət və digər sahədə uzunmüddətli məhsuldar əməyə, elm, təhsil, səhiyyə, mədəniyyət, bədən tərbiyəsi, idman və digər sahələrdə fərqlənən əmək nailiyyətlərinə, kənd təsərrüfatı məhsullarının istehsalında yüksək göstəricilərə, yeni texnikanın, texnologiyanın, qabaqcıl təcrübənin, ixtiranın və səmərələşdirici təhsilin istehsalatda davamlı nəticəli tətbiqinə görə təltif olunacaqlar. “Əmək” ordeni müvafiq icra hakimiyyəti orqanı tərəfindən veriləcək. Orden döşün sol tərəfinə, Azərbaycanın digər orden və medalları olduqda “Vətənə xidmətə görə” ordenindən sonra taxılır. Qanun layihəsi müzakirələrdən sonra qəbul edildi.

M. Bünyadlı

Gununsesi.info

COMMENTS