Rusiyada yerli aparıcılardan biri “Vesti: Primorye” xəbərlər proqramında sosial ödənişlərin 3 faiz artımı ilə bağlı məlumat verərkən özünü saxlaya bilməyərək gülüb.
Gununsesi.org BAKU.WS-ə istinadən xəbər verir ki, görüntülər efirə getməsə də, sosial şəbəkədə geniş yayılıb.
Aparıcı əlillər, müharibə veteranları, radiasiyaya məruz qalan vətəndaşlar və müavinət alan digər sakinlərin onlara ayrılan 1500 rublu (təxminən 40 AZN) necə xərcləməsi barədə danışıb.
O, deyib ki, 900 rubl (təxminən 25 manat) dərman vasitələri, 137 rubl (3,5 AZN) sanatoriyaya bilet üçün, qalan pul isə şəhərətrafı və ya beynəlxalq nəqliyyatdan istifadəyə sərf oluna bilər.
Bunları dedikdən sonra rusiyalı aparıcı gülməyə başlayıb və mətni sona çatdıra bilmədiyini deyib.
