“Abbas pula görə Bakıdakı toyu qoyub Moskvaya getdi” - QALMAQAL

  • By admin
  • 05 Aprel 2017 20:35

abbas bagirov

Əməkdar artist Abbas Bağırovla klarnet ifaçısı Hüseyn Məhəmmədoğlu arasında qalmaqal daha da böyüyüb.

Gununsesi.info-nun axsam.az-a istinadən verdiyi məlumata görə, Abbas Bağırovun “Hüseyn mənə qarşı böyük səhv etdi. Onunla danışmaq istəmirəm, sözümü demişəm. O, məni pis vəziyyətdə qoydu. Onun yerinə başqa toya söz vermişdim. Çox pul qazanmaq üçün məni pis vəziyyətə qoydu” sözləri qarşı tərəfi özündən çıxarıb.

Hüseyn Məhəmmədoğlu “10-dan sonra” verilişində qarşı tərəfin ünvanına tənqidi fikirlər səsləndirib: “Biz dostlar arasında anlaşılmazlıq olanda efirdə demirik. Bunu heç kimə yaraşdırmıram. Bu günə qədər Abbasdan heç vaxt küsməmişəm. Ailəmdə çox xoş gün olub, Abbası dəvət etmişəm, amma gəlməyib. Heç ondan küsməmişəmdə. Onun bütün xeyir işlərində təmənnasız iştirak etmişəm. Abbas mənə deməmişdi ki, “bura səni istəyirlər, hansı məbləğə gələrsən?”. Mənim gedəcəyim toy xeyirlə bağlı deyildi. Mən Eltonun ansamblına rəhbərlike dirəm, bu mənim işimdir. Dəfələrlə Abbas Bağırov və ansamblı Moskvadakı toydan yüksək qonorar aldığı üçün Azərbaycandakı məclisdən bir gün qalmış imtina edib. Abbas qonorara görə Azərbaycan toyunu qoyub Moskvaya gedəndə olar, mən edəndə yox? Sənə olar, mənə olmaz? Abbas qara siyahıdan danışır. Allah adamı qara siyahısına salmasın. Abbas hara gəlib səhnədən durmadan onu müşayiət etmişəm. Bu mənim musiqiçi borcumdur. Ona sayqım, hörmətim var”.

Hüseyn Məhəmmədoğlu A.Bağırovla barışmaq istədiyini, amma qarşı tərəfdən “yox” cavabı aldığını söyləyib: “Onunla barışığa cəhd etmişəm. Məclisdə yaxınlaşıb “salam” verib, demişəm ki, küsülülük qalmasın. Amma barışmadı”.

Gununsesi.info